Astitva Ani Prem
MANDAR DEOPRO & Creator Features
Unlock Studio tools with Pro or Creator: remix and covers, photo covers, unlimited variations, edit sections and stem separation. Creator adds voice clone and lossless FLAC.
Audio2Audio Remix
Pro & Creator
Voice Clone
Creator
Create Variations
Creator only
Edit Sections
Creator only
Stem Separation
Creator only
Lyrics
▶ Play this song to follow along.
राणी…
दोनच भेटींत
सुरू झाला आपला प्रवास.
पंचवीस वर्षांनंतरही,
तूच माझं प्रेम… तूच माझा श्वास!
राणी, तूच माझा श्वास,
जन्मोजन्मी तुझाच ध्यास;
पंचवीस वर्षं सरली तरी,
तुझ्या मिठीची तीच आस!
तुझ्या हसण्यावर जीव जडतो,
रोज तुझ्याच प्रेमात पडतो…
राणी… रोज तुझ्याच प्रेमात पडतो!
अबोल माझ्या भावनांना,
तुझी नजरच शब्द देते;
दूर कितीही असलो, राणी,
तुझी माया मिठीत घेते…
जग फिरूनही ओढ तुझीच,
पाऊल तुझ्याकडेच वळतं;
तुझ्या कुशीत विसावल्यावर,
घर गाठल्याचं सुख मिळतं…
ओम गणेशच्या त्या घरात,
मन तुझ्या प्रेमात पडलं;
तुझ्या घरी दुसऱ्या भेटीत,
जन्मभराचं नातं जडलं.
हैदराबादहून पुण्याकडे,
दर आठवड्याला धावायचो;
वर्ग चुकवून आलीस की तू,
तुझ्या नजरेत हरवायचो!
अडीचशे चौरस फुटांत,
आपला संसार फुलला;
तुझ्या हसण्याच्या उजेडानं,
घराचा कोपरा-कोपरा खुलला.
कुशीत मिहिका, हाती पुस्तक,
स्वप्नं नवी तू पाहिलीस;
घराला आकार देता देता,
स्वतःही घडत राहिलीस.
माझ्या यशाच्या पानोपानी,
तुझ्या साथीची कहाणी;
घरं बदलली, देश बदलले,
तूच घराचं घरपण, राणी!
राणी, तूच माझा श्वास,
जन्मोजन्मी तुझाच ध्यास;
पंचवीस वर्षं सरली तरी,
तुझ्या मिठीची तीच आस!
मिहिका-मृदिनीच्या स्वप्नांना,
विश्वासाचा आधार दिलास;
माया, शिस्त अन् संस्कारांनी,
त्यांच्या जगाला आकार दिलास.
सिम्बाच्या त्या छोट्या पावलांनी,
घरात पुन्हा बालपण हसलं;
तुझ्या हसण्यात, त्यांच्या हसण्यात,
माझं अवघं जगच वसलं!
फोन उचलायला वेळ लागतो,
मेसेजलाही होतो उशीर;
पण तुझ्या हसऱ्या नजरेनं,
जीवाला मिळतो धीर!
तुझं ते गोड “पपा” ऐकून,
दिवसभराचा शीण सरतो;
तू खळखळून हसलीस की,
मीही तुझ्यासवे मोहरतो.
तूच निवडलेस नवनवे रंग,
तूच बदललेस माझे ढंग;
रूपासोबत मनही सजलं,
आयुष्य तुझ्या प्रेमात भिजलं!
राणी, तूच माझा श्वास,
जन्मोजन्मी तुझाच ध्यास;
पंचवीस वर्षं सरली तरी,
तुझ्या मिठीची तीच आस!
महाबळेश्वरच्या त्या वाटा,
जेजूचा निळा किनारा;
वेगासच्या लाख दिव्यांतही,
तूच माझा ध्रुवतारा!
सागरावरची सफर असो,
वा नव्या शहराची चाहूल;
तुझा हात हाती घेऊन,
टाकेन पुढचं प्रत्येक पाऊल.
कामाच्या त्या धावपळीत,
काही क्षण द्यायचे राहिले;
तुझ्याच साथीच्या बळावर,
इतके सुंदर दिवस पाहिले.
तुझ्या मनातलं प्रत्येक स्वप्न,
तुझ्या सोबतीनं जगायचं;
जसं मला तू जपलंस, राणी,
तुला जिवापाड जपायचं!
राणी, तूच माझा श्वास,
जन्मोजन्मी तुझाच ध्यास;
पंचवीस वर्षं सरली तरी,
तुझ्या मिठीची तीच आस!
मुलींची स्वप्नं बहरताना,
डोळे भरून पाहू या;
सुखी, निरोगी, हसत-खेळत,
एकमेकांसवे राहू या!
नव्या सफरी, नव्या आठवणी,
असाच फुलो आपला प्रवास;
जग पाहताना कायम लाभो,
राणी, तुझाच सहवास…
या जन्मी अन् पुढल्या सात जन्मी,
तुझ्यासवेच जगायचंय;
प्रत्येक नव्या पहाटेसोबत,
पुन्हा तुझ्याच प्रेमात पडायचंय…
राणी… पंचवीस ही तर सुरुवात आहे…
तुझ्यासवे प्रेमाचं शतक गाठायचंय!
राणी…
तूच माझं प्रेम… तूच माझा श्वास!
तूच माझं प्रेम… तूच माझा श्वास…...