Prince Of DoomPRO & Creator Features
Unlock advanced AI features with Pro (Audio2Audio, Photo Covers, LoRA) or Creator (Voice Clone, Variations, Edit Sections, Stem Separation).
Audio2Audio Remix
Pro & Creator
Voice Clone
Creator
Create Variations
Creator only
Edit Sections
Creator only
Stem Separation
Creator only
Lyrics
▶ Play this song to follow along.
[Verse 1]
الحياة لعبتنا، والدنيا ملعبنا
إحنا فاهمين الحكاية، والناس لسه في أولها
مرة أحسبها صح، ومرة أفاجئ كل اللي حواليا
أنا مش ماشي على خط، أنا اللي برسم السكة بإيديا
أنا الملك في مجالي، والباقي يتفرج عليّا
مش محتاج تسقيف، أنا عارف كويس أنا مين
اللي شايف نفسه خصمي، ييجي ويثبت إنه قدي
أنا مش داخل أنافس حد، أنا مليش منافس في المجال
كلمتي هي قانوني، والي مش عاجبه مَيِعْچِبْنِيش
شايف القمة من مكاني، ومش شايف حد جنبي
حطوني قصاد أي حد، مش هتشوفو غيري اصلاً مفيش حد
مش غرور، دي الحقيقة، بس الحقيقة دايما تقيلة
إنتوا لسه بتدوروا على اللعبة، وأنا اللعبة في إيديا!
[Verse 2]
أنا البلياتشو، ضحكتي كدابة بس بتضحّكم
كل واحد ييجي يحكيلي، يلاقيني فاهمه
وكل واحد يمشي مبسوط، فاكر إني شبهه
بس مين فيهم فكر مرة يسألني إيه اللي مدايقني....؟
كلهم فاكرين إنهم عارفيني من زمان
بس محدش شاف غير الوش اللي كان محتاجه يبان
[Verse 3]
أنا الجوكر في الكوتشينة، مليش مكان ثابت
شيلوني من اللعبة، هتلاقوا حساباتكم بَاظِت
أنا آس البستوني، ومليش كبير في كوووني...
واللي فاكر نفسه مَالِكْنِي، لسه ما شافش قَلْبِتِي
الشاطر مش شرط يكسب كل جولة
أنا ممكن أسيب المكسب، لو شايف إن الخساره أحلي
مش كُل إلي كِسِب يبقى فاهمها ومتمكن
[Pre]
بيقولوا عليّا مغرور، ونرجسي كمان
طب ما العين تكره اللي دايسها بالجزمة في كل مكان
شافوني شيطان، قلت لهم: وإيه كمان
حتى الشيطان في مجاله
أقَل مني يَدُوب يِلعَب معايا في المكان
أنا الفكرة اللي محدش عارف يفهمها
واسمي لوحده تقيل على ناس مش قدّها
[Chorus]
أنا ملك اللعبة، مين يقدر ينافسني؟
أنا اللي أغيّر شكلها، ومحدش يقدر يحبسني
أنا ملك اللعبة، مش محتاج اعتراف
اللي فاكر إنه فاهمني، لسه ما شافش الاختلاف
أنا الجوكر، أنا الآس، أنا اللي أقلب الميزان
أنا ملك اللعبة، والعرش هوا مكاني..
لو الكل نسي اسمي، اللعبة تفضل فاكراني!
[Verse 4]
الكل فاكر إنه فهمني، ههههههه يخساره!
أنا مراية، كل واحد شاف نفسه وقال ده عارف
أنا مش كيان يتشاف، انا الكابوس الي مش مفهوم
كل ما حد يقرب مني، يكتشف إنه شاف وهم
أنا المشخصاتي، كل دور عندي ليه وش
بس لما الستارة تنزل، مين هيعرفني بجد؟
أنا المليون وش ، لحد ما نسيت انا ميييين...!
وبقيت أسأل نفسي: هو أنا مين؟ وإيه اللي باقي مني؟
[Bridge]
مفيش أمان للبشر، قلت أبقى الملك الوحيد
مفيش وزير، مفيش حاشية، مفيش حد جنبي أكيد
أنا صاحبي وأنا عَدِّوِي، وأنا الحَكَم في القضية
قفلت باب مملكتي، واحتفظت بالمفتاح في إيديا
بس لما القصر يسكت، والضحكة تختفي
مين هيفضل، لما ميبقاش فيه حد حواليك؟
أنا اللي كنت بفهم الكل، مين بقى هيفهمني؟
أنا اللي كنت بضحّك الكل، مين هيقدر يسمعني؟
[Chorus]
أنا ملك اللعبة، مين يقدر ينافسني؟
أنا اللي أغيّر شكلها، ومحدش يقدر يحبسني
أنا الجوكر، أنا الآس، أنا اللي أقلب الميزان
أنا الفكرة اللي محدش فاهمها، ومش مجرد إنسان
أنا ملك اللعبة، والعرش عارف مكاني
ضحكتي تضحّك مليون، ومحدش عارف اللي جوايا
أنا ملك اللعبة، مهما تحاولوا تعرفوني
هتفضلوا شايفين مراية... مش هتعرفوا توصلولي!
[Outro]
هههههههه...
فاكرين إنكم فهمتوا اللعبة؟
يا خسارة...
إنتوا لسه في أولها!