Raga of the Drone

▶ Play this song to follow along.

[Intro: gentle river water sounds, soft bansuri, tanpura drone — spoken softly: ॥ श्रीगोपीजनवल्लभाय नमः ॥]

[Verse 1]

नमामि यमुनामहं सकलसिद्धिहेतुं मुदा

मुरारिपदपङ्कजस्फुरदमन्दरेणूत्कटाम्

तटस्थनवकाननप्रकटमोदपुष्पाम्बुना

सुरासुरसुपूजितस्मरपितुः श्रियं बिभ्रतीम्

[Verse 2]

कलिन्दगिरिमस्तके पतदमन्दपूरोज्ज्वला

विलासगमनोल्लसत्प्रकटगण्डशैलोन्नता

सघोषगतिदन्तुरा समधिरूढदोलोत्तमा

मुकुन्दरतिवर्धिनी जयति पद्मबन्धोः सुता

[Verse 3]

भुवं भुवनपावनीमधिगतामनेकस्वनैः

प्रियाभिरिव सेवितां शुकमयूरहंसादिभिः

तरङ्गभुजकङ्कणप्रकटमुक्तिकावालुका

नितम्बतटसुन्दरीं नमत क्रिष्णतुर्यप्रियाम्

[Verse 4]

अनन्तगुणभूषिते शिवविरञ्चिदेवस्तुते

घनाघननिभे सदा ध्रुवपराशराभीष्टदे

विशुद्धमथुरातटे सकलगोपगोपीव्रिते

क्रिपाजलधिसंश्रिते मम मनस्सुखं भावय

[Verse 5]

यया चरणपद्मजा मुररिपोः प्रियम्भावुका

समागमनतोभवत् सकलसिद्धिदा सेवताम्

तया सद्रिशतामियात् कमलजा सपत्नीव यद्

धरिप्रियकलिन्दया मनसि मे सदा स्थीयताम्

[Chorus]

नमोस्तु यमुने सदा तव चरित्रमत्यद्भुतं

न जातु यमयातना भवति ते पयः पानतः

यमोपि भगिनीसुतान्कथमु हन्ति दुष्टानपि

प्रियो भवति सेवनात्तव हरेर्यथा गोपिकाः

[Verse 7]

ममास्तु तव सन्निधौ तनुनवत्वमेतावता

न दुर्लभतमा रतिर्मुररिपौ मुकुन्दप्रिये

अतोस्तु तव लालना सुरधुनी परं सङ्गमात्

तवैव भुवि कीर्तिता न तु कदापि पुष्टिस्थितैः

[Verse 8]

स्तुतिं तव करोति कः कमलजासपत्निप्रिये

हरेर्यदनुसेवया भवति सौख्यमामोक्षतः

इयं तव कथाधिका सकलगोपिकासङ्गमः

स्मरश्रमजलाणुभिः सकलगात्रजैः सङ्गमः

[Outro]

तवाष्टकमिदं मुदा पठति सूरसूते सदा

समस्तदुरितक्षयो भवति वै मुकुन्दे रतिः

तया सकलसिद्धयो मुररिपुश्च सन्तुष्यति

स्वभावविजयो भवेद्वदति वल्लभः श्रीहरेः

इति श्रीवल्लभाचार्यविरचितं श्रीयमुनाष्टकं सम्पूर्णम्