Untitled

ودي أكون شخصٍ ثاني وأعيد اللي عشته وياك وأعيش كل لحظة من العمر مرت وأنا معاك وأكون اللي إذا ضاق صدرك ما يخليك في عناك واللي إذا أخطى يرجع لنفسه قبل لا يزيد أذاك وودي أكون الشخص اللي كسب قلبك وما يخسر غلاك واللي إذا شاف الحزن بعيونك قرب واحتواك ولا نسيت لذّة شعوري وكيف الدنيا تهون في لقاك وأقول ربي عطاني ولا في أغلى من حنانك ورضاك كنتي تعدين لي خطاياي وتسكتين وأنا أحسب سكوتك رضاك واليوم أفهم إن كل الزعل كان مخفي بين عيناك عشت بعودتك كل الآمال والأفراح وأحسبها بداية عمري وياك وأحسب إن اللي مضى انتهى وما لي غيرك يا ملاك ما أبي سعادتي على وجعك ولو إني أضعف في فرقاك ولآخر يومٍ من عمري ما بنساك ويستحيل القلب يجفاك وأدعي لك بالسعادة كل ما مر طيفك على بالي وذكراك وإن ربي كتب لنا نصيب بيجمعني بك ولو طال ممشاك أحبك ولا هو كلام وداع هذا كلام قلبٍ عجز ينساك