Radha Stotram
Axxeluss MusicPRO & Creator Features
Unlock advanced AI features with Pro (Audio2Audio, Voice Clone, Photo Covers, LoRA) or Creator (Variations, Edit Sections, Stem Separation).
Audio2Audio Remix
Pro & Creator
Voice Clone
Pro & Creator
Create Variations
Creator only
Edit Sections
Creator only
Stem Separation
Creator only
Lyrics
▶ Play this song to follow along.
श्री राधा-कृपा-कटाक्ष-स्तव-राज
मुनीन्द्र-वृन्द-वन्दिते त्रिलोक-शोक-हारिणि ।
प्रसन्न-वक्त्र-पङ्कजे निकुञ्ज-भू-विलासिनि ।
व्रजेन्द्र-भानु-नन्दिनि व्रजेन्द्र-सूनु-सङ्गते ।
कदा करिष्यसीह मां कृपा-कटाक्ष-भाजनम् ॥१॥
अशोक-वृक्ष-वल्लरी-वितान-मण्डप-स्थिते ।
प्रवाल-बाल-पल्लव प्रभा-रुणाङ्घ्रि-कोमले ।
वराभय-स्फुरत्करे प्रभूत-सम्पदालये ।
कदा करिष्यसीह मां कृपा-कटाक्ष-भाजनम् ॥२॥
अनङ्ग-रङ्ग-मङ्गल-प्रसङ्ग-भङ्गुर-भ्रुवां ।
सविभ्रमं ससम्भ्रमं दृगन्त-बाण-पातनैः ।
निरन्तरं वशीकृत-प्रतीत-नन्द-नन्दने ।
कदा करिष्यसीह मां कृपा-कटाक्ष-भाजनम् ॥३॥
तडित्-सुवर्ण-चम्पक-प्रदीप्त-गौर-विग्रहे ।
मुख-प्रभा-परास्त-कोटि-शारदेन्दु-मण्डले ।
विचित्र-चित्र-सञ्चरच्चकोर-शाव-लोचने ।
कदा करिष्यसीह मां कृपा-कटाक्ष-भाजनम् ॥४॥
मदोनमदाति-यौवने प्रमोद-मान-मण्डिते ।
प्रियानुराग-रञ्जिते कला-विलास-पण्डिते ।
अनन्य-धन्य-कुञ्ज-राज्य-काम-केलि-कोविदे ।
कदा करिष्यसीह मां कृपा-कटाक्ष-भाजनम् ॥५॥
अशेष-हाव-भाव-धीर-हीर-हार-भूषिते ।
प्रभूत-शात-कुम्भ-कुम्भ-कुम्भि-कुम्भ-सुस्तनि ।
प्रशस्त-मन्द-हास्य-चूर्ण-पूर्ण-सौख्य-सागरे ।
कदा करिष्यसीह मां कृपा-कटाक्ष-भाजनम् ॥६॥
मृणाल-बाल-वल्लरी-तरङ्ग-रङ्ग-दोर्लते ।
लताग्र-लास्य-लोल-नील-लोचनावलोकने ।
ललत्-लुलन्मिलन्मनोज्ञ-मुग्ध-मोहनाश्रिते ।
कदा करिष्यसीह मां कृपा-कटाक्ष-भाजनम् ॥७॥
सुवर्ण-मालिकाञ्चित-त्रिरेख-कम्बु-कण्ठगे ।
त्रिसूत्र-मङ्गली-गुण-त्रिरत्न-दीप्ति-दीधिते ।
सलोल-नील-कुन्तल-प्रसून-गुच्छ-गुम्फिते ।
कदा करिष्यसीह मां कृपा-कटाक्ष-भाजनम् ॥८॥
नितम्ब-बिम्ब-लम्बमान-पुष्प-मेखला-गुणे ।
प्रशस्त-रत्न-किङ्किणी-कलाप-मध्य-मञ्जुले ।
करीन्द्र-शुण्ड-दण्डिका-वरोह-सौभाग्योरुके ।
कदा करिष्यसीह मां कृपा-कटाक्ष-भाजनम् ॥९॥
अनेक-मन्त्र-नाद-मञ्जु-नूपुरारव-स्खलत् ।
समाज-राजहंस-वंश-निक्वणाति-गौरवे ।
विलोल-हेम-वल्लरी-विडम्बि-चारु-चङ्क्रमे ।
कदा करिष्यसीह मां कृपा-कटाक्ष-भाजनम् ॥१०॥
अनन्त-कोटि-विष्णु-लोक-नम्र-पद्मजार्चिते ।
हिमाद्रिजा-पुलोमजा-विरिञ्चजा-वरप्रदे ।
अपार-सिद्धि-ऋद्धि-दिग्ध-सत्पदाङ्गुली-नखे ।
कदा करिष्यसीह मां कृपा-कटाक्ष-भाजनम् ॥११॥
मखेश्वरि क्रियेश्वरि स्वधेश्वरि सुरेश्वरि ।
त्रिवेद-भारतीश्वरि प्रमाण-शासनेश्वरि ।
रमेश्वरि क्षमेश्वरि प्रमोद-काननेश्वरि ।
व्रजेश्वरि व्रजाधिपे श्री राधिके नमोऽस्तु ते ॥१२॥
श्री राधिके...
नमोऽस्तु ते...