Gurbani Kirtan

▶ Play this song to follow along.

ਇਕ ਓਅੰਕਾਰ — ਸ੍ਰੀ ਵਾਹਿਗੁਰੂ ਜੀ ਕੀ ਫਤਹਿ

ਪਾਤਿਸਾਹੀ ਦੱਸਵੀਂ ਕਬਿਯੋ ਬਾਚ ਬੇਨਤੀ

ਚੌਪਈ

ਹਮਰੀ ਕਰੋ — ਹਾਥ ਦੈ ਰਛਾ

ਪੂਰਨ ਹੋਏ — ਚਿਤ ਕੀ ਇਛਾ

ਤਵ ਚਰਨਨ — ਮਨ ਰਹੈ ਹਮਾਰਾ

ਅਪਨਾ ਜਾਨ — ਕਰੋ ਪ੍ਰਤਿਪਾਰਾ

ਹਮਰੇ ਦੁਸ਼ਟ — ਸਭੈ ਤੁਮ ਘਾਵਹੁ

ਆਪੁ ਹਾਥ ਦੈ — ਮੋਹਿ ਬਚਾਵਹੁ

ਸੁਖੀ ਬਸੈ — ਮੋਰੋ ਪਰਿਵਾਰਾ

ਸੇਵਕ ਸਿਖਯ — ਸਭੈ ਕਰਤਾਰਾ

ਮੋ ਰਛਾ — ਨਿਜੁ ਕਰ ਦੈ ਕਰਿਯੈ

ਸਭ ਬੈਰਿਨ ਕੌ — ਆਜ ਸੰਘਰਿਯੈ

ਪੂਰਨ ਹੋਏ — ਹਮਾਰੀ ਆਸਾ

ਤੋਰਿ ਭਜਨ ਕੀ — ਰਹੈ ਪਿਆਸਾ

ਤੁਮਹਿ ਛਾਡਿ — ਕੋਈ ਅਵਰ ਨ ਧਿਆਊਂ

ਜੋ ਬਰ ਚਹੋਂ — ਸੁ ਤੁਮਤੇ ਪਾਊਂ

ਸੇਵਕ ਸਿਖਯ — ਹਮਾਰੇ ਤਾਰਿਯਹਿ

ਚੁਨ ਚੁਨ — ਸ਼ਤ੍ਰੁ ਹਮਾਰੇ ਮਾਰਿਯਹਿ

ਆਪੁ ਹਾਥ ਦੈ — ਮੁਝੈ ਉਬਰਿਯੈ

ਮਰਨ ਕਾਲ ਕਾ — ਤ੍ਰਾਸ ਨਿਵਰਿਯੈ

ਹੂਜੋ ਸਦਾ — ਹਮਾਰੇ ਪਛਾ

ਸ੍ਰੀ ਅਸਿਧੁਜ ਜੂ — ਕਰਿਯਹੁ ਰਛਾ

ਰਾਖਿ ਲੇਹੁ — ਮੁਹਿ ਰਾਖਨਹਾਰੇ

ਸਾਹਿਬ ਸੰਤ — ਸਹਾਇ ਪਿਆਰੇ

ਦੀਨਬੰਧੁ — ਦੁਸ਼ਟਨ ਕੇ ਹੰਤਾ

ਤੁਮਹੋ ਪੁਰੀ — ਚਤੁਰਦਸ ਕੰਤਾ

ਕਾਲ ਪਾਇ — ਬ੍ਰਹਮਾ ਬਪੁ ਧਰਾ

ਕਾਲ ਪਾਇ — ਸ਼ਿਵਜੂ ਅਵਤਰਾ

ਕਾਲ ਪਾਇ ਕਰਿ — ਬਿਸ਼ਨ ਪ੍ਰਕਾਸ਼ਾ

ਸਕਲ ਕਾਲ ਕਾ — ਕੀਤਾ ਤਮਾਸ਼ਾ

ਜਵਨ ਕਾਲ — ਜੋਗੀ ਸ਼ਿਵ ਕੀਯੋ

ਬੇਦ ਰਾਜ — ਬ੍ਰਹਮਾ ਜੂ ਥੀਯੋ

ਜਵਨ ਕਾਲ — ਸਭ ਲੋਕ ਸਵਾਰਾ

ਨਮਸ਼ਕਾਰ ਹੈ — ਤਾਹਿ ਹਮਾਰਾ

ਜਵਨ ਕਾਲ — ਸਭ ਜਗਤ ਬਣਾਯੋ

ਦੇਵ ਦੈਤ — ਜਛਨ ਉਪਜਾਯੋ

ਆਦਿ ਅੰਤਿ — ਏਕੈ ਅਵਤਾਰਾ

ਸੋਈ ਗੁਰੂ — ਸਮਝਿਯਹੁ ਹਮਾਰਾ

ਨਮਸ਼ਕਾਰ — ਤਿਸ ਹੀ ਕੋ ਹਮਾਰੀ

ਸਕਲ ਪ੍ਰਜਾ — ਜਿਨ ਆਪੁ ਸਵਾਰੀ

ਸਿਵਕਨ ਕੋ — ਸਵਗੁਨ ਸੁਖ ਦੀਯੋ

ਸ਼ਤ੍ਰੁਨ ਕੋ — ਪਲ ਮੋ ਬਧ ਕੀਯੋ

ਘਟ ਘਟ ਕੇ — ਅੰਤਰ ਕੀ ਜਾਨਤ

ਭਲੇ ਬੁਰੇ ਕੀ — ਪੀਰ ਪਛਾਨਤ

ਚੀਟੀ ਤੇ — ਕੁੰਚਰ ਅਸਥੂਲਾ

ਸਭ ਪਰ — ਕ੍ਰਿਪਾ ਦ੍ਰਿਸ਼ਟਿ ਕਰਿ ਫੂਲਾ

ਸੰਤਨ ਦੁਖ — ਪਾਏ ਤੇ ਦੁਖੀ

ਸੁਖ ਪਾਏ — ਸਾਧਨ ਕੇ ਸੁਖੀ

ਏਕ ਏਕ ਕੀ — ਪੀਰ ਪਛਾਨੈ

ਘਟ ਘਟ ਕੇ — ਪਟ ਪਟ ਕੀ ਜਾਨੈ

ਜਬ ਉਦਕਰਖ — ਕਰਾ ਕਰਤਾਰਾ

ਪ੍ਰਜਾ ਧਰਤ — ਤਬ ਦੇਹ ਅਪਾਰਾ

ਜਬ ਆਕਰਖ — ਕਰਤ ਹੋ ਕਬਹੂੰ

ਤੁਮ ਮੈ ਮਿਲਤ — ਦੇਹ ਧਰ ਸਭਹੂੰ

ਜੇਤੇ ਬਦਨ — ਸ੍ਰਿਸ਼ਟਿ ਸਭ ਧਾਰੈ

ਆਪੁ ਆਪੁਨੀ — ਬੂਝਿ ਉਚਾਰੈ

ਤੁਮ ਸਭ ਹੀ ਤੇ — ਰਹਤ ਨਿਰਾਲਮ

ਜਾਨਤ ਬੇਦ — ਭੇਦ ਅਰੁ ਆਲਮ

ਨਿਰੰਕਾਰ — ਨ੍ਰਿਬਿਕਾਰ ਨ੍ਰਿਲੰਭ

ਆਦਿ ਅਨੀਲ — ਅਨਾਦਿ ਅਸੰਭ

ਤਾਕਾ ਮੂੜ੍ਹ — ਉਚਾਰਤ ਭੇਦਾ

ਜਾਕੋ ਭੇਵ — ਨ ਪਾਵਤ ਬੇਦਾ

ਤਾਕੌ ਕਰਿ — ਪਾਹਨ ਅਨੁਮਾਨਤ

ਮਹਾਂ ਮੂੜ੍ਹ — ਕਛੁ ਭੇਦ ਨ ਜਾਨਤ

ਮਹਾਂਦੇਵ ਕੌ — ਕਹਤ ਸਦਾ ਸ਼ਿਵ

ਨਿਰੰਕਾਰ ਕਾ — ਚੀਨਤ ਨਹਿ ਭਿਵ

ਆਪੁ ਆਪੁਨੀ — ਬੁਧਿ ਹੈ ਜੇਤੀ

ਬਰਨਤ ਭਿੰਨ ਭਿੰਨ — ਤੁਹਿ ਤੇਤੀ

ਤੁਮਰਾ ਲਖਾ — ਨ ਜਾਇ ਪਸਾਰਾ

ਕਿਹ ਬਿਧਿ ਸਜਾ — ਪ੍ਰਥਮ ਸੰਸਾਰਾ

ਏਕੈ ਰੂਪ — ਅਨੂਪ ਸਰੂਪਾ

ਰੰਕ ਭਯੋ ਰਾਵ — ਕਹੀਂ ਭੂਪਾ

ਅੰਡਜ ਜੇਰਜ — ਸੇਤਜ ਕੀਨੀ

ਉਤਭੁਜ ਖਾਨਿ — ਬਹੁਰਿ ਰਚਿ ਦੀਨੀ

ਕਹੂੰ ਫੂਲਿ — ਰਾਜਾ ਹ੍ਵੈ ਬੈਠਾ

ਕਹੂੰ ਸਿਮਟਿ — ਭਯੋ ਸ਼ੰਕਰ ਇਕੈਠਾ

ਸਗਰੀ ਸ੍ਰਿਸ਼ਟਿ — ਦਿਖਾਇ ਅਚੰਭਵ

ਆਦਿ ਜੁਗਾਦਿ — ਸਰੂਪ ਸੁਯੰਭਵ

ਅਬ ਰਛਾ ਮੇਰੀ — ਤੁਮ ਕਰੋ

ਸਿਖਯ ਉਬਾਰਿ — ਅਸਿਖਯ ਸੰਘਰੋ

ਦੁਸ਼ਟ ਜਿਤੇ — ਉਠਵਤ ਉਤਪਾਤਾ

ਸਕਲ ਮਲੇਛ — ਕਰੋ ਰਣ ਘਾਤਾ

ਜੇ ਅਸਿਧੁਜ — ਤਵ ਸ਼ਰਨੀ ਪਰੇ

ਤਿਨ ਕੇ ਦੁਸ਼ਟ — ਦੁਖਿਤ ਹ੍ਵੈ ਮਰੇ

ਪੁਰਖ ਜਵਨ — ਪਗੁ ਪਰੇ ਤਿਹਾਰੇ

ਤਿਨ ਕੇ ਤੁਮ — ਸੰਕਟ ਸਭ ਟਾਰੇ

ਜੋ ਕਲਿ ਕੌ — ਇਕ ਬਾਰ ਧਿਆਇਹੈ

ਤਾ ਕੇ ਕਾਲ — ਨਿਕਟਿ ਨਹਿ ਐਹੈ

ਰਛਾ ਹੋਏ — ਤਾਹਿ ਸਭ ਕਾਲਾ

ਦੁਸ਼ਟ ਅਰਿਸ਼ਟ — ਟਰੇ ਤਤਕਾਲਾ

ਕ੍ਰਿਪਾ ਦ੍ਰਿਸ਼ਾਟਿ — ਤਨ ਜਾਹਿ ਨਿਹਰਿਹੋ

ਤਾਕੇ ਤਾਪ — ਤਨਕ ਮਹਿ ਹਰਿਹੋ

ਰਿਧਿ ਸਿਧਿ — ਘਰ ਮੋਂ ਸਭ ਹੋਏ

ਦੁਸ਼ਟ ਛਾਹ — ਛ੍ਵੈ ਸਕੈ ਨ ਕੋਈ

ਏਕ ਬਾਰ — ਜਿਨ ਤੁਮੈਂ ਸੰਭਾਰਾ

ਕਾਲ ਫਾਸ ਤੇ — ਤਾਹਿ ਉਬਾਰਾ

ਜਿਨ ਨਰ — ਨਾਮ ਤਿਹਾਰੋ ਕਹਾ

ਦਾਰਿਦ ਦੁਸ਼ਟ — ਦੋਖ ਤੇ ਰਹਾ

ਖੜਗ ਕੇਤ — ਮੈਂ ਸ਼ਰਨਿ ਤਿਹਾਰੀ

ਆਪੁ ਹਾਥ ਦੈ — ਲੇਹੁ ਉਬਾਰੀ

ਸਰਬ ਠੌਰ — ਮੋ ਹੋਹੁ ਸਹਾਈ

ਦੁਸ਼ਟ ਦੋਖ ਤੇ — ਲੇਹੁ ਬਚਾਈ