Heaven In Rhythm

▶ Play this song to follow along.

ఎన్నడూ తలంచని జీవితం నాకిచ్చినావే,

ఊహకందని నీ కృపలో నను నిలిపినావే,

ఏ మంచీ లేని నన్ను నీవు ప్రేమించినావే,

ఏమిచ్చి నీ ఋణము నే తీర్చుకొందునే?

నా జీవ నాయకా! సర్వలోక పాలకా! నా యేసువా!

చరణం 1:

మనుషుల ప్రేమకు నోచుకోని నన్నే,

నేను సైతం ఇష్టపడని నా బ్రతుకునే,

సిలువలో నీ రక్తమిచ్చి కొనినావే,

ఆత్మరక్షణ భాగ్యమిచ్చి బ్రోచినావే.

చరణం 2:

పనికిరాని నన్ను నీవు పిలిచినావే,

బలహీనతను బాపి బలము నిచ్చినావే,

ఊహకందని వాటిని నాకొసగినావే,

నీదు సేవలోన నన్ను వాడుకున్నావే.

చరణం 3:

శత్రువుల ప్రేమకు పాత్రుని చేసినావే,

నా బ్రతుకున ఎత్తుపల్లాలను సరిచేసినావే,

నిరుపయోగిని నీ సేవకు ఉపయోగించినావే,

నిరాశలో నా చేయి వదలని దేవుడవే.